• Mongolian
  • English (UK)

ҮНДЭСНИЙ ИХ БАЯР НААДМЫН ХУРДАН МОРИНЫ ЭМЧИЛГЭЭ, ҮЙЛЧИЛГЭЭ БОЛОН МАЛ ЭМНЭЛЭГ, АРИУН ЦЭВРИЙН МАГАДЛАН ШИНЖИЛГЭЭ ХИЙЖ АЖИЛЛАА./2019-07-13/

Тулгар төрийн 2228 жилийн ой, Их Монгол улс байгуулагдсаны 813 жил, Ардын хувьсгалын 98 жилийн ой, Үндэсний их баяр наадмын тохиолдуулан  2019 оны 7 дугаар сарын 09 ний өдрөөс 7 дугаар сарын 13-нд хурдан морины эмчилгээ үйлчилгээнд Нийслэлийн мал эмнэлгийн газрын,  эмч  мэргэжилтэн, ажилтануудын хүй долоо худагт 41, мах махан бүтээгдэхүүнд лаборатрийн шинжилгээнд төв цэнгэлдэх болон хүй долоо худагт 9 хүн нийт 50 эмч нарын бүрэлдхүүнтэйгээр баяр наадмаар ажиллаа. Хурдан морины уралдаанд хязаалан насанд 298 үрээ бүртгүүлснээс 184, шүдлэн насанд 350 үрээ бүртгүүлснээс 236, азарганы уралдаанд 163, Их насанд 271, соёолон 200, даага 200 уралдааны замд гарч уралдсанҮүнтэй холбогдуулан бид морь барианы  газар,  морь гарааны  газар,  бариа,  гарааны дунд  гэсэн  байрлаар 5 багаар 32 эмч, жолооч, болон 5 автомашинтай өртөөчилөн ажилласанБүх насны уралдах морьдод эрүүл мэндийн үзлэг хийж, уралдааны замд болон уралдааны дараа эмчилгээ хийх, дуудлага үйлчилгээнд үйлчлэх зэргээр мал эмнэлгийн үйлчилгээг шуурхай зохион байгуулан ажиллав. Мөн Нийслэлийн мал эмнэлгийн газраас адуу ханиах, шингэн дутагдах, багтрах,  хальтиргаа гулгаанаас морьд бэртэх, хальтирах зэрэг  хүндрэлүүд гарч  болзошгүй талаар уяачид болон морь унаач хүүхдүүдэдрадио, телевиз зэрэг олон нийтийн мэдээллийн хэргэслээр сэрэмжлүүлэг өгч ажиллав. Үүнд: Уяа сойлго таараагүй, ханиах шинж тэмдэгтэй морьдыг уралдуулахгүй байх. Уралдааны замд унаач хүүхдүүд малын эмчийн зөвлөмж, шаардлагыг биелүүлэхийг анхааруулан ажилласан.

 

 

ХҮНСНИЙ ЗАХУУДАД ХЯНАЛТ ШАЛГАЛТ ХИЙЛЭЭ./2019-06-03/

 

Хөдөө орон нутагт бэлтгэгдэн нийслэлд ирж байгаа малын мах худалдааны захуудаар иргэдийн хэрэгцээнд бүрэн нийлүүлэгдэж байгаа эсэх, экспортонд мах гаргадаг аж ахуйн нэгжүүд худалдааны төвүүдээс мах бэлтгэн нөөцөлж байгаа эсэх, нядалсан малын мах нийтийн худалдаанд нийлүүлэгддэг эсэх, аж ахуйн нэгжүүд авч нөөцөлдөг байдалд хяналт тавьж, дүн мэдээ тайланг холбогдох газруудад хүргүүлэх, хууль бус үйл ажиллагааг таслан зогсоож, холбогдох хууль тогтоомж, стандартын биелэлтийг хангуулах зорилгоор Нийслэлийн мал эмнэлгийн газрын даргын баталсан 2019 оны 05 дугаар сарын 23-ны өдрийн “НИЙСЛЭЛИЙН ТОМООХОН ХҮНСНИЙ ЗАХУУД, МАЛ НЯДАЛГААНЫ ГАЗРУУДАД ХИЙХ ХЯНАЛТ ШАЛГАЛТЫН АЖЛЫН УДИРДАМЖ”-ын дагуу 2019 оны 05 дугаар сарын 27-ны өдрөөс 6 дугаар сарын 2-ны өдрийг хүртэл хүнсний захууд дээр ажиллаа. Хяналт шалгалтын явцад махны лангууны худалдагч нар эрүүл ахуйн шаардлага хангасан хувцсаар жигдэрсэн, лангууны ариун цэврийг сайтар хангасан боловч малчдаас тээвэрлэгдэн ирж байгаа махны тээвэрлэлт, тээврийн хэрэгсэл эрүүл ахуйн шаардлага хангаагүй, мах зөөдөг хүмүүс нь тогтсон гэрээт ажилчид биш, эрүүл мэндийн үзлэгт хамрагдаагүй, мах зөөвөрлөх хувцас стандарт бус, мах тээвэрлэх техник дутмаг тул үүрч зөөвөрлөж байгаа нь махны эрүүл ахуйн шаардлага хангаагүй байна. Иймд цаашад эрүүл ахуйн шаардлага хангасан техникээр тээвэрлэх, мах зөөгч нарыг эрүүл мэндийн үзлэгт хамруулж тогтсон гэрээ хийх талаар хүнсний захын лабораторийн эрхлэчид зөвлөгөө өгсөн. 


 

Гоц халдварт Гахайн африкийн мялзан өвчин оношлогдлоо

ГАХАЙН АФРИК МЯЛЗАН ӨВЧНӨӨС

УРЬДЧИЛАН СЭРГИЙЛЭХ АНХААРУУЛГА, СЭРЭМЖЛҮҮЛЭГ

Тодорхойлолт: Гахайн африк мялзан (ГАМ) нь хавьтлын замаар халдварлаж, өндөр халуурах, эд, эрхтнүүдэд үхжилт үрэвслийн голомтууд үүсгэн өвчлүүлдэг вирусын хурц халдварт өвчин юм.

Үүсгэгч: ДНХ агуулсан Асфавиридэе язгуурын Асфивирус төрлийн олон хэвшилт вирусээр үүсгэгддэг. 1903 оны үед өмнөд Африкт уг өвчний шинж тэмдэгтэй адил төстэй өвчлөлийн тухай анхлан мэдээлэгдэж байжээ. Халдвар авсан гахай ихэвчлэн толгой дараалан үхэх бөгөөд 1957 онд Европд анх оношлогдсон.

Тэсвэрт чанар: Үүсгэгч вирус нь гадаад орчинд нилээд тэсвэртэй газрын хөрс, сэг зэмэнд 4 сар, мах, баас, гахайн байр, намаг балчигт 6 сар орчим идэвхтэй хэвээр хадгалагддаг. Бага температурт өндөр тэсвэртэй, харин 56̊С-д 120 минутын дотор идэвхээ алдана.  Өвчин улирал хамаарахгүй гарч болох ба бүх насны гахайг өвчлүүлнэ. Үүсгэгчийг ялаа, махчин шувуу, чоно, нохой дамжуулдаг.

Хэлбэр, шинж тэмдэг: Өвчний үед гахай сэлгэмэл халуурах, турах, үнхэлцэг үрэвсэх, арьсан дээр үхжлийн голомтууд бий болох нүдний зовхи хавдах, нүдний салт бүрхүүл үрэвсэж нуух гоожих, ханиах, амьсгаа давхцах, цусны хольцтой баах, салст бүрхүүлүүд хөх туяатай болж хавагнах зэрэг шинж тэмдэг илэрдэг. Өвчний нууц үе 3-20 хоног хүртэл үргэлжилж 100 хувь үхлээр төгсдөг.

Эмгэг хувирал: Үхсэний дараа хүүр богино хугацаанд хөшиж, цээж хэвлийн хөндийд цусархаг шингэн их хэмжээгээр хуримтлагдана. Ихэнх тохиолдолд үхсэн гахайн дэлүү 2-3 дахин томорч, бөөрний бүрхүүл хальсны дор цэг маягийн цус харвалт үүснэ.

Халдвар дамжих зам: Гахайн африк мялзан (ГАМ) нь хавьтлын замаарбуюу амьд гахайн шилжилт хөдөлгөөн, гахайн гаралтай түүхий эд, бүтээгдэхүүн, гахайн тэжээл, хүний хувцас тоног хэрэгслээр дамжин халдварладаг.

Эмчилгээ: Гахайн африкийн мялзан өвчин нь эмчилгээ байхгүй бөгөөд өвчлөл гарсан аж ахуйн гахайг бүрэн устгадаг.

Анхааруулга:Гахайн африкийн мялзан өвчний халдвартай улс орноос амьд гахай, гахайн гаралтай бүтээгдэхүүн, түүхий эд, тэжээл импортлохыг хориглоно.

Гахайн аж ахуй эрхлэгч иргэдэд:

1.    Өвчний шинж тэмдэг илэрвэл харъяа мал эмнэлгийн байгууллагуудад яаралтай мэдэгдэх

2.    Нийслэл, дүүрэг, хорооны засаг дарга, мал эмнэлгийн байгууллага, малын эмчийн шаардлагыг бүрэн биелүүлж, үнэн зөв мэдээллээр хангах

3.    Гахайн хашаа, хороо, байрны ариун цэвэр, эрүүл ахуйн болон технологийн дэглэмийг чанд сахих

4.    Малын эмчийн зааварчлагын дагуу гахайн бууц, баасыг шатааж устгах буюу халдваргүйжүүлэх

5.    Гахайн арчилгаа, маллагаа, тэжээлийн нөхцлийг сайжруулах

6.    Гахайг зориулалтын бус тэжээл болон нийтийн хоолны үлдэгдэлээр тэжээхийг хатуу хориглох

7.    Гахайг ил задгай бэлчээхгүй, байран маллагаатай байлгах

8.    Аж ахуйд гадны хүн, тээврийн хэрэгслийг нэвтрүүлэхгүй байх

9.    Гахайн шилжилт хөдөлгөөн хийхгүй байх

10.  Бусад гахайн аж ахуйгаар зорчихгүй байх зэрэг АНХААРУУЛГА, СЭРЭМЖЛҮҮЛЭГ хүргэж байна.

 

НИЙСЛЭЛИЙН МАЛ ЭМНЭЛГИЙН ГАЗАР

Холбоо барих утас: 70144007

Цаг үеийн мэдээ /2018.06.04/

ШҮЛХИЙН ВАКЦИНЖУУЛАЛТ 94,6%-ТАЙ ТАРИГДАЖ ДУУСЛАА

Монгол Улсын Засгийн газрын хэрэгжүүлэгч агентлаг Мал эмнэлэг, үржлийн газрын даргын 2018 оны 04 дүгээр сарын 16-ны өдрийн 182 дугаар албанг бичгээр ирүүлсэн Шүлхий өвчний вакцинжуулалтын зөвлөмж, зааврыг мөрдөж ажиллав.

Мөн газрын даргын “Шүлхий өвчнөөс урьдчилан сэргийлэх вакцинжуулалтын ажил зохион байгуулах тухай” 2018 оны 04 дүгээр сарын 20-ны өдрийн А/07 дугаар тушаалыг хэрэгжүүлж ажилласан.

Нийслэлийн хэмжээнд 137070 толгой мал, амьтан хамруулж, төлөвлөгөөг 94,6%-р биелүүлэв. Тарилгын ажилд автомат шиприц, нэг удаагийн тариур, хөвөн, бинт, денатурат спирт, нэг удаагийн бээлий, ажлын бээлий, малгай, маск, хормогч, зэргийг хэрэглэж ажилласан байна. Шүлхий өвчнөөс урьдчилан сэргийлэх вакцинжуулалт хийх явцад мал бэртэж гэмтэх, өвчлөх, хээл хаях, үхэж хорогдох зэрэг ямар нэг хүндрэл гараагүй болно. Нийслэлийн Мэргэжлийн хяналтын газар, Нийслэлийн Онцгой байдлын газруудтай хамтран нийслэлийн 8 дүүрэгт тус газрын эмч, мэргэжилтнүүд 17 хүний бүрэлдэхүүнтэй 2018 оны 4 дүгээр сарын 23-наас 30-ны өдрүүдэд вакцинжуулалтын ажилд хяналт зохион байгуулан ажилласан байна. 

 

Бусад мэдээллүүд...