• Mongolian
  • English (UK)

МАЛ ЭМНЭЛЭГ, МАЛЫН ЭМЧИЙН ҮЙЛЧИЛГЭЭГ ЭМЭЭР ХАНГАХ

     Нийслэлийн мал эмнэлэгийн газрынэмийн сан нь”Малын удмын сан эрүүл мэндийг хамгаалах тухай “Монгол улсын хууль” “Мал эмнэлгийн эмийн сангийн бүтэц үйл ажиллагаа MNS 55:45 стандарт”, “Эм, эмнэлгийн хэрэгслийн тухай хууль” дээрхи хуулийн хүрээнд үйл ажиллагаа явуулдаг.

Нийслэлийн мал эмнэлгийн газрын малын эм, бэлдмэл нь тусгай зөвшөөрөлтэй, тухайн бүтээгдэхүүнийг нийлүүлэх тендерт шалгарсан компаниудаас гэрээгээр худалдан авдаг.

     Тухайлбал: Паразитын эсрэг бэлдмэл, Үрэвсэлийн эсрэг эм бэлдмэл, Витамин амин дэмүүд, Ходоод гэдэсний өвчины үед хэрэглэх эм бэлдмэл, судсаар сэлбэх уусмалууд, ариутгал халдваргүйжүүлэлтийн бодис, мэдрэл зүрх судасны системийн өвчнийг эмчлэх эм, амьсгалын болон шээс бэлгийн замын өвчнийг эмчлэх эм, антидотууд ба сорбент, хордлого тайлах эм, мал эмнэлгийн багаж хэрэгсэл, хэсэг газрын мэдээгүйжүүлэх болон мэс засалд хэрэглэх эм бэлдмэлүүдийг хэрэглэгчдэд нийлүүлдэг.

     Манай эмийн сан 120 нэр төрлийн эм бэлдмэл, мал амьтны гоц халдварт өвчнөөс урьдчилан сэргийлэх 23 нэр төрлийн вакцин био бэлдмэлийг ХХААЯ- наас өгсөн хуваарын дагуу Биокомбинатаас жил бүр татан авч, хувийн хэвшил аж ахуй нэгжүүдэд Засаг даргын захирамжийн дагуу графикт хугацаанд тараан олгож байна.

     Манай байгууллагын эмийн сангаар дараах компаниудын эм бэлдмэлүүдийг худалдаалдаг. Тухайлбал:

Биоимпекс ХХК,
Цагаан залаа агвет ХХК,
Малчин монгол ХХК,
Монведмед ХХК,
Эм импекс ХХК,
Моносфарм ХХК,
Бинсэ ХХК,
Монветнет ХХК,
Төхөм Хайрхан ХХК,
Чандмань идэр ХХК,
Сорлог сүрэг ХХК,
Гүнтэрэм ХХК,
Монфа ХХК,
Глобол бизнес Линк ХХК
Хувийн мал эмнэлгийн холбоо зэрэг болно.

Эдгээр компанидуудтай эмхудалдан авах гэрээ байгуулж, түүний гэрээт борлуулагчаас эмийг худалдан авч иргэдэд зөв боловсон үйлчилж эмийн заавар зөвлөгөө өгч ажиллаж байна.

Цаашдын зорилт нийслэлд байгаа эмийн сан, мөн дүүргийн мал эмнэлгийн үйлчилгээний нэгжүүдийн эмийн сантай байнга харилцаа холбоотой байж, саналбодлоо солилцож, сургалт семинар зохион байгуулж,үйлчлүүлэгч малчдад зөвшөөрөлтэй эм бэлдмэлээр хангах зорилттавьжбайна.