• Mongolian
  • English (UK)

Цаг үеийн мэдээ / 2017.02.06 /

                АГААРЫН БОХИРДЛЫН ТАЛААР СУРГАЛТ ЗОХИОН БАЙГУУЛАВ

      НИТХ-ын 2017 оны 01 сарын 27-ны өдрийн 07/01 тогтоолоор батлагдсан “Агаар, орчны бохирдлыг бууруулах арга хэмжээний тусгай төлөвлөгөө” танилцуулах сургалт 02 сарын 06ны өдөр НМЭГ-ын хурлын танхимд зохион байгуулагдав.
   Сургалтанд Нийслэлийн агаарын чанарын албаны бодлого төлөвлөлтийн хэлтсийн дарга н.Цолмон, мэргэжилтэн Эрдэнэцэцэг нар Улаанбаатар хотын агаарын бохирдлыг бууруулах талаар Нийслэлийн Агаарын чанарын албанаас авч буй арга хэмжээ, агаарын бохирдлыг бууруулахад иргэн бүр ухамсарлах үүрэг, оролцоо, идэвхи санаачлагатай байх талаар танилцуулж, сонирхолтой хэлэлцүүлэг өрнүүллээ.

Цаг үеийн мэдээ/2017.01.10/

ТӨВ ТАЛБАЙДАА НОМ СОЛИЛЦЛОО

        “Аз жаргалтай хот” хөтөлбөрийн хүрээнд Нийслэлийн Соёл, урлагийн газраас санаачлан Улаанбаатар хотын нийтийн төв номын сангийн үйлчилгээг иргэдэд ойртуулах, уншигчид номоор нөхөрлөх, бусадтай номоо солилцох боломжийг бүрдүүлэх зорилгоор “Номоо солилцъё” өдөрлөг Д.Сүхбаатарын талбайд 2017 оны 1-р сарын 7-ны Бямба гарагт 12:00 - 13:00 цагийн хооронд зохион байгуулагдаж НМЭГ-ын хамт олон идэвхтэй оролцлоо. Энэхүү өдөрлөгийг цаашид сар бүрийн эхний 7 хоногийн Бямба гараг бүр Д.Сүхбаатарын талбайд 12:00 - 13:00 цагийн хооронд зохион байгуулагдахаар болсон байна.
    

Цаг үеийн мэдээ /11 сар/

ЭРДЭМ ШИНЖИЛГЭЭНИЙ ХУРАЛД ДЭД БАЙР ЭЗЭЛЛЭЭ

2016.11.10-нд зохион байгуулагдсан Хөдөө аж ахуйн их сургуулийн магистрант, докторантын шилдэг бүтээл шалгаруулах "Эрдэм шинжилгээний бага хурал -2016"-д шинжлэгч эмч Б.Золзаяа нь “Тахианаас хүнсний хордлого үүсгэгч Campylobacter илрүүлсэн судалгааны ажлын дүн” сэдвээр илтгэл хэлэлцүүлж, 2-р байранд шалгарсанд баяр хүргэе.
         Мөн ХААИС-ийн Мал эмнэлгийн сургууль, Хоккайдогийн их сургуулийн багш, судлаачдын хамтран зохион байгуулсан “ МАХ, СҮҮНИЙ ЭРҮҮЛ АХУЙ” сэдэвт эрдэм шинжилгээ, онол үйлдвэрлэлийн нэгдсэн симпозиум /2016.10.12/, Мал эмнэлгийн хүрээлэн, Хүнсний аюулгүй байдал, эрүүл ахуйн лабораторийн түүхийн 25 жилийн хүрээнд зохион байгуулагдсан байгаа “Махны үйлдвэрлэл, экспорт- Шинжлэх ухаан технологи” эрдэм шинжилгээ, үйлдвэрлэлийн бага хурал /2016.11.04/-д тус илтгэлээр амжилттай оролцсон. Цаашдын ажил бүтээлд нь өндрөөс их амжилтыг хүсэн ерөөе.

 

Цаг үеийн мэдээ /10 сар/

     ШҮЛХИЙН ВАКЦИНЖУУЛАЛТЫН ТАНДАЛТЫН АЖЛЫГ ЭХЛҮҮЛЛЭЭ

     2016 оны 10 сарын 17-ны өдрийн Нийслэлийн засаг даргын А/728 дугаар захирамжийн дагуу нийслэлийн нутаг дэвсгэрт байгаа шүлхий өвчинд мэдрэмтгий мал, амьтныг уг өвчнөөс сэргийлэх урьдчилан сэргийлэх вакцинжуулалтанд хамруулахаар боллоо. 

     20 дүүргийн МЭҮҮН-үүдэд шаардлагатай 456970 л тун вакциныг тараах ажлыг зохион байгуулж, 10 сарын 20-ны байдлаар вакцинжуулалтын ажил 20%-тай үргэлжилж байна. Мөн НМЭГ-аас шүлхий өвчнөөс урьдчилан сэргийлэх вакцинжуулалтын ажлын явцад хяналт тавих тандалтын ажлыг эхлүүлээд байна.

АНХААРУУЛГА

ШҮЛХИЙ ӨВЧНӨӨС УРЬДЧИЛАН СЭРГИЙЛЭХ СЭРЭМЖЛҮҮЛЭГ, АНХААРУУЛГА


       Мал, амьтны гоц халдварт шүлхий өвчин Говьсүмбэр аймгийн Сүмбэр сум, Төв аймгийн Баян, Баянцагаан, Баянжаргалан сумдад анх 2016 оны 07 дугаар сарын 16-ны өдөр 8 дугаар сарын 27-ны өдрүүдэд оношлогдож, хорио цээрийн дэглэм тогтоог ажиллаж байна. 
Шүлхийгээс урьдчилан сэргийлэх арга хэмжээг хэрэгжүүлэх, мал, тэдгээрийн гаралтай түүхий эдийн шилжилт хөдөлгөөнд тавих хяналтыг чангатгаж Нийслэлийн Засаг даргын 2016 оны 8-р сарын 30-ны өдрийн А/628 тоот “Малын гоц халдварт шүлхий өвчинтэй тэмцэх түүнээс урьдчилан сэргийлэх талаар авах арга хэмжээний тухай” захирамж гарган холбогдох мэргэжлийн байгууллагууд хэрэгжүүлэн ажиллаж байна.
Шүлхий өвчин. Шүлхий нь салаа туурайтай мал, амьтдыг өвчлүүлэн богино хугацаанд маш хурдан тархаж үлэмж хэмжээний газар нутаг, улс орныг хамран гардаг онц аюултай гоц халдварт өвчин юм. Шүлхий нь шууд хавьтлын замаар малаас малд халддагаас гадна салхи, ус бэлчээр, хүн мал ялангуяа адуу зээр гөрөөс, бусад зэрлэг амьтад, шувуу зэргээр дамжин алс хол зайд үсэрхийлэн дэгддэг онц халдвартай өвчин юм. 
Шүлхийн үүсгэгч нь А, О, С, Ази-1, САТ-1, САТ-2, САТ-3 гэсэн 7 ийлдсийн хэвшилтэй, вирус юм. 
Бүх төрлийн гэрийн тэжээвэр болон зэрлэг салаа туурайтан тухайлбал үхэр хонь, ямаа, тэмээ , усны үхэр, цагаан зээр, хар сүүлт, цаа буга, зэрэг амьтад мэдрэмтгий юм.
Газар зүй цаг уур, мал аж ахуйг хөтлөх арга ажиллагаа, хүн амын сэтгэл зүйн онцлог зэрэг олон хүчин зүйлийг харгалзан дэлхийн улс орнуудад шүлхийтэй тэмцэхэд 6 төрлийн арга хэрэглэдэг юм байна. Манай орны хувьд дараах арга хэмжээг хэрэгжүүлдэг.
1. Өвчтэй, өвчилсөн, өвчилж болох бүх малыг толгой дараалан устгахын тулд нядалгаа хийх. 
2. Өвчин гарсан газрын малыг нядлахын зэрэгцээ эргэн тойрны малыг хамран вакцинжуулах арга хэмжээ авдаг байна.

       Иймд иргэд онцын шаардлагагүй бол дээрхи аймгийн нутаг дэвсгэрт зорчихгүй, мал, амьтны шилжилт хөдөлгөөн хийхгүй байхыг СЭРЭМЖЛҮҮЛЖ байна. 
Мөн мал, амьтны ам, хамар, буйл, тагнай, завьж, хэл, дэлэн хөх, турууны салааны арьсанд үлхий, яршил үүсэх, доголох, ус, тэжээлдээ дургүй болох, халуурах шинж тэмдэг илэрвэл харьяа дүүргийн мал эмнэлэг болон Нийслэлийн мал эмнэлгийн газарт яаралтай мэдэгдэхийг АНХААРУУЛЖ байна.

     НИЙСЛЭЛИЙН МАЛ ЭМНЭЛГИЙН ГАЗАР

Холбогдох утас:70144007,70144003

Бусад мэдээллүүд...

Фото мэдээ